<p>SUNA : HAMZA BN ABDULMUTALLAB BN HASHIM.</p>
<p>MATSAYI : SAHABI/BAFFAN MANZON ALLAH (SAW), KUMA 'DAN UWANSA NA
SHAYARWA.</p>
<p>FALALA : SHUGABAN SHAHIDAI/TAMBAYO AUREN KHADIJAH BINT
KHUWAILID (RA) WA ANNABI (SAW).</p>
<p>SHEKARAR MUSULUNTA : SHEKARA TA BIYU (2) HIJRIYYAH.</p>
<p>'DAN UWAN HADI A MUSULUNCI : ZAID BN AL-HARITH (RA).</p>
<p>SUNAR WANDA YA KASHE SHI : WAHSHIYYU BN AL-HARB</p>
WURI DA SHEKARAR MUTUWA : UHUD/SHEKARA TA 3 HIJRIYYAH/YANA DA SHEKARU 57
<p> </p>
<p>(SABABI)</p>
<p>MASU TARIHI SUN AMBACI SABABBUN KASHE SHI (RA) BISA SABANIN
MAGANGANU GUDA BIYU, WASU SUNCE :</p>
<p>1). A RANAR YAQIN BADR SHI YA KASHE TU'AIMAH BN ADIY
AN-NUFALIY, MUTUMIN DA KE BAFFA WA JUBAIR BN MUT'IM, WANDA HAKAN YA
SANYA SHI ALWASHIN DAUKAN FANSA.</p>
WASU KUMA SUKA CE :
2). A RANAR YAQIN BADR YA KASHE UTBAH BN RABI'AH DA 'DANSA, UTBAH SHINE
MAHAIFIN MATAR ABU SUFYAN (RA), HINDU BINT UTBAH (RA). A WANNAN LOKACIN
BA TA MUSULUNTA BA, ITA MA HAKAN YA SANYATA ALWASHIN DAUKAN FANSA, TA
KIRA WAHSHIY TAYI MASA ALKAWARIN LADAR KUDI IDAN HAR YA KASHE HAMZA
(RA).
<p> </p>
AMMA MAGANA MAFI RINJAYE DA SHAHARA ITA CE NA FARKO, KAMAR YADDA ZAMU
GANI DAGA BAKIN WANDA YAYI WANNAN KISAR DA TA BATA RAN MA'AIKI (SAW) DA
SAURAN MUMINAI.
<p> </p>
<p>(QISSA)</p>
<p>MANZON ALLAH (SAW) YA TAMBAYE SHI YADDA YAYI WANNAN KISA, SAI
YACE :</p>
<p>كنت ﻏﻼﻣﺎ لجبير بن مطعم وكان عمه ﻃﻌﻴﻤﺔ بن عدي قد أصيب يوم بدر،
فلما سارت قريش إلى أحد قال لي جبير : إن قتلت حمزة عم محمد بعمي ﻓﺄﻧﺖ
عتيق. قال : فخرجت مع الناس وكنت رﺟﻼ ﺣﺒﺸﻲا أقذف بالحربة قذف الحبشة قل ما
ﺃﺧﻄﻰء بها ﺷﻴﺌﺎ... قال : وهززت ﺣﺮﺑﺘﻲ حتى إذا رضيت منها دفعتها عليه،
فوقعت فى ثنته حتى خرجت من بين رجليه وذهب لينوء نحوى فغلب ﻭﺗﺮﻛﺘﻪ وإياه
حتى مات، ثم أتيته فأخذت حربتي، ثم رجعت إلى العسكر وقعدت فيه ولم ﻳﻜﻦ لي
بغيره حاجة ﺇﻧﻤﺎ قتلته لأعتق، ﻓﻠﻤﺎ قدمت مكة عتقت."</p>
<p>راجع : البداية ﻭﺍﻟﻨﻬﺎﻳﺔ لإبن كثير : 4/18</p>
<p>"NA KASANCE BAWA GA JUBAIR BN MUT'IM, ALHALI BAFFANSA TU'AIMAH
IBN ADIY AN KASHE SHI A YAQIN BADR, YAYIN DA QURAISHAWA SUKA TASAMMA
ZUWA UHUD, SAI JUBAIR YACE MUN : IDAN HAR KA KASHE HAMZA, BAFFAN MANZON
ALLAH RAMAKON BAFFA NA, KAI 'ENTACCE NE.
YACE : SAI NA FITA TARE DA MUTANE, NA KASANCE MUTUM BAHABASHE, NA KWARE
WURIN JIFA DA MASHI, JIFAR HABASHAWA KUWA QALILAN TAKE FADUWA KASA BANZA
.....
YACE : (yayin da) NA DAIDAITA SAITI HAR NA AMINTA TA DAIDAIDONSA (akan
sa), SAI NA SAKE MAKAMIN AKAN SA, YA SAME SHI A CIBAYA HAR SAI DA YA
FITO TA TSAKANIN KAFOFINSA BIYU, YAYI YUNKURIN RUNGUMATA, AMMA SAI
MAKAMIN YAYI GALABA AKANSA, NI KUWA NA BARSHI DA SHI (ban cire masa ba)
HAR YA FADI YA MUTU.
BAYAN WANI LOKACI SAI NA ZO KANSA NA CIRE MASHI NA, SANNAN NA KOMA
CIKIN RUNDUNA NAYI ZAMA TA, DA MA BANI DA BUKATAR KOWA SAI SHI, KAWAI
NA KASHE SHI NE DON IN 'ENTU, YAYIN DA NA KOMA MAKKAH SAI AKA 'ENTA
NI."</p>
WANNAN RUWAYA ITA CE INGANTACCIYA.
<p> </p>
<p>(YADDA ISNADIN MAGANAR TAUNA HANTA TAKE A RUWAYA)</p>
<p>قال الإمام أحمد : حدثنا ﻋﻔﺎﻥ، حدثنا حماد، ﺣﺪﺛﻨﺎ عطاء بن السائب،
عن الشعبي، عن ابن مسعود قال : .... فنظروا فإذا حمرة قد بقر ﺑﻄﻨﻪ، وأخذت
هند كبده فلاكتها، فلم تستطع أن تأكلها، فقال رسول الله ص : أأكلت شيئا؟
قالوا لا، قال : ما كان الله ليدخل شيئا من حمزة فى النار..."</p>
ﺃﺧﺮﺟﻪ ﺃﺣﻤﺪ ﻓﻰ ﻣﺴﻨﺪﻩ، ﺑﺮﻗﻢ 4414
<p> </p>
"IBN MAS'UD YACE : .... DA SUKA DUBA SAI GA HAMZA AN FARKE CIKINSA,
HINDU TA CIRI HANTARSA TA TAUNA, AMMA BA TA IYA TA CI BA, SAI MANZON
ALLAH (SAW) YACE : SHIN TA TAUNA WANI ABU DAGA JIKIN HANTAR? SAI SUKA
CE, A'A! SAI YACE : ALLAH BAI KASANCE ZAI SHIGAR DA WANI ABU DAGA JIKIN
HAMZA CIKIN WUTA BA..."
<p> </p>
<p>WANNAN RUWAYA BA TA INGANTA BA, DOGARO DA DALILAI KAMAR HAKA
:</p>
<p>1). AL-HAFIZ IBN KATHIR BAYAN YA KAWO WANNAN QISSAR, SAI YACE
:</p>
<p>تفرد به أحمد، ﻭﻫﺬﺍ إسناد فيه ضعف أيضا، من جهة عطاء بن السائب،
والله أعلم." البداية ﻭﺍﻟﻨﻬﺎﻳﺔ : 4/39</p>
<p>"AHMAD YA KADAITA DA WANNAN RUWAYA, HAR WA YAU WANNAN ISNADI NE
MAI RAUNI DAGA BANGAREN ATA'U BN SA'IB.
WALLAHU A'ALAM."</p>
<p>2). BABBAN MALAMIN SANIN MAZAJEN HADISI, KUMA 'DAN BIJIMIN
MASANIN ILMIN HADISI DA MAZAJENSA, ABU MUHAMMAD, ABDURRAHMAN IBN ABIY
HATIM, BAYAN YA AMBATO WANNAN RUWAYAR SHA'ABIY DAGA IBN MAS'UD, SAI
YACE :</p>
<p>ﻫﺬﻩ ﺍﻟﺮﻭﺍﻳﺔ ﻟﻢ ﺗﺼﺢ، ﻷﻥ ﺍﻟﺸﻌﺒﻲ ﻭﻫﻮ ﻋﺎﻣﺮ ﺑﻦ ﺷﺮﺍﺣﻴﻞ ﻟﻢ ﻳﺴﻤﻊ
ﻋﺒﺪﺍﻟﻠﻪ ﺑﻦ ﻣﺴﻌﻮﺩ. ﻭﻗﺎﻝ : سمعت ﺃﺑﻲ يقول : لم يسمع ﺍﻟﺸﻌﺒﻲ عبدالله بن
ﻣﺴﻌﻮﺩ."</p>
<p>المراسيل : ص160</p>
"WANNAN RUWAYAR BATA INGANTA BA, DOMIN SHA'ABIY, WATAU AAMIR BN
SHARAHIL BAI JI WANI ABU BA DAGA ABDULLAHI BN MAS'UD. KUMA YACE : NA JI
BABA NA YANA CEWA : SHA'ABIY BAI JI DAGA ABDULLAHI BN MAS'UD BA."
<p> </p>
<p>(SAKAMAKO)</p>
<p>QISSAR TAUNA = DA'IF</p>
<p>GWARGWADON HUKUNCIN MASANAN DA DUNIYAR MUSULUNCI TAFI AMINTA DA
SU, KUMA TA SALLAMA MASU AKAN SUNE MASANA RUWAYA, WANNAN QISSAR TAUNA
HANTA DAI TA NA DA RAUNI (la'ifiya ce), BABU WATA QURA AKAN
HAKAN.</p>
<p>(NASIHA)</p>
<p>WANNAN QISSAR DAI BA TA TABBATA BA. MU KUWA MUN KAWO TA NE DON
NASIHA GA MAI NEMAN SHIRIYA DA RABAUTA. DON A RASHIN SA'A AKE SAMUN
WASU DAGA CIKIN MUTANE DA KE DANGANTA KANSU DA MUSULUNCI, DOGARO DA
WANNAN LABARI MARAR NAGARTA SUKE JIFA DA FADIN MUNANAN KALAMAI AKAN
SURKUWAN MA'AIKI (SAW), WANDA SAHABIYA CE, MATAR SAHABI, MAHAIFIYAR
SAHABBAI, MAHAIFIN MARUBUCIN WAHAYI DA WASIKUN MA'AIKI (SAW), KUMA
KAMAMMIYAR MACE.</p>
<p>DON HAKA MAI RABO SAI YA FADAKU, DON YA KUBUTAR DA ADDININSA
DA DAUKAN ALHAKIN NAGARTATTUN MUTANE, KUMA DON RABAUTAR
LAHIRARSA.</p>
ALLAH SHI KARA SHIRYAS DA MU GA ABUN DA YA YARDA DA SHI DA KARA MANA SON
MUSULUNCI DA AIKI DA SHI.
No comments:
Post a Comment