An sanya mashi qwaya a jikkarsa a qasa mai Tsarki

HATTARA JAMA'A MUSAMMAN MASU ZUWA KASA MAI TSARKI (SAUDIYA), WASU NA SANYA
WA WASU MIYAGUN KWAYOYI A CIKIN KAYANSU!!!
A Kasar Musulunci ta Saudiya duk wanda aka
kama tare da miyagun kwayoyi suna aiwatar da
hukunci mai tsanani akansa wanda cikin ikon
Allah hakan da suke yi ya rage yawan mabarnata
a fadin kasar.
A cikin yan kwanakin nan wani bawan Allah dan
kasuwa dan jihar Kano ya tafi Kasa mai Tsarki
don yin Umrah shi da iyalinsa ashe wani azzalumi
daga nan ya sanya wa kayansa kullin tulin
kwayoyi shi kuma bai sani ba sai da ya kammala
aikinsa yana niyyar komowa gida ashe jami'an
tsaro tuni suna bibiyarsa har suka kama shi,
bawan Allahn gashi ya tabbatar da jikarsa ce
amma kuma baisan da ansa kwayar ba. Dan
uwansa yana gaya mani lallai suna da yaqinin
dan uwansu mutumin kirki ne wanda da wuya ya
aikata hakan, wannan bawan Allah yanzun haka
yana tsare ita kuma iyalinsa an maido ta gida.
Insha Allahu muna fata zaiyi nasara da wannan
zargi da ake masa kasancewar Kasar Saudia ba
azzaluma bace, Muna rokon Allah ya kare
wannan bawa nasa ya kuma tona asirin mutanen
da ke aikata wannan danyen aiki.
JAN HANKALI
Akwai barazana sosai kan irin wannan tunda
akwai mutanen da sun kware wurin shigar da
miyagun kwayoyi a kasar Saudia saboda haka ga
duk masu zuwa Umrah ko Aikin Hajji su sa ido ga
kayayyakinsu tun daga nan kasa Nigeria har
zuwa Kasar Saudiya.
Su ma Hukumominmu wajibi ne su kara
tsaurarawa don kaucewa faruwar irin wannan.
Ita kuma Kasa Mai Tsarki Allah yayi masu
jagoranci Amin

MURIDAN DARIQAR TIJANIYYA SUN QARA YIN TA'ADDANCI

Cikin masallacin kenan yadda suka maida shi

             Duk da haqilo da tunqahon da Mabiya dariqar Tijaniyya su ke yi na cewa sun fi kowa zaman lafiya da son zama lafiya wannan bai hana su afka ma al'ummar da ke masallacin Jan Bango kusada Hasumiya Katsina ba, bayan sun afkama masu su ka balle kwanon masallacin da tagoginsa haka kuma suka ciccire fankokin cikin masallacin sannan suka jikkata mutum uku.
Duk sun dauki wannan matakin ne a cewar su don daukar hukunci akan wai wani Malamin da ke karatu ya zagi Annabin mu Muhammad (S.A.W). Dr. Djibo Malami ne wanda yake karantar da sunnar Annabi Muhammad (S.A.W) a wannan unguwa wanda ya na cikin karatu ne a ranar Alhamis 25/05/17 tsakanin magriba da Isha'i inda anan ne suka rinqa afkowa suna zage-zage abun kamar wasa har suka fara amfani da makami inda anan ne suka raunata mutum uku ciki harda Dr.Djibo. Allah ya sa ka ma hukumar yan sanda da alheri don ana cikin hatsaniyar ne Allah ya kawo su su kai kokarin kwantar da tarzomar da kuma daukar daukar Malamin domin ba shi kariya don yunkurin muridan shine su hallaka shi da duk wani dan izalar da su ka ci karo da shi.
 Muna fatan hukuma ta dauki mataki na gagawa da hukunta duk wanda aka samu da laifi, haka kuma duk wadanada aka samu da laifin su gyara wannan masallaci domin irin wannan na uku kenan yana faruwa a yan shekarun nan don in ba a manta ba waccan shekarar haka a ka yi a masallacin Juma'a na Rafukka, muridan ne su ka zo su kai irin wannan ta'asa karshe aka zo akai ta sulhu da neman yafiya wanda a wannan karo al'umma sun ce ba za su yadda da hakan ba da fatan wannan koken zai isa inda ya dace. Allah ya hada kan musulmai.

Daga kasa hotunan irin wulakancin da muridan su kai ma dakin Allah ne.

                                               

A TABBATAR DA TSARI NA SHAR’IAR MUSULUNCI DA KUMA KAFA HUKUMAR HISBA

A TABBATAR DA TSARI NA SHAR’IAR MUSULUNCI DA KUMA KAFA HUKUMAR HISBA

SAKO DAGA MATASAN MALAMAN JAHAR KATSINA

          A wa’azin da ya gabata ranar Asabar 13/05/2017, wanda Matasan Malaman su ka gabatar da wa’azi na karshe a cikin jerin wa’azuzukan da su ke gudanarwa duk bayan sati biyu, Wa’azin ya guda na ne a cibiyar baje kolin Sunnah wato masallacin Kandahar, inda gammayar malaman suka yi kira ga wannan gwamnatin cewa suna kira gareta da ta farfado da wannan tsarin wanda aka yi fafutikar tabbatar da shi a zamanin marigayi Malam Umaru Musa Yaradau. A kuma kafa hukumar Hisba a jihar domin yaqi da miyagun dabi’u mussamman zinace-zinace, fyade, shaye-shaye da sauransu.

Malam Zakariya’u Aliyu Sandamu (Limami na 2 a Masallacin gidan Gwamnati) ya yi kira da a dauki mataki don magance matsalar fyade inda ya bayyana cewa korafe-korafe sun yi yawa game da yi ma yara qanana fyade in da har ya bayyana yadda kwamishinan ‘yan sanda ya tabbatar cewa a cikin wannan shekarar an yi ma yara aqalla sama da 100 fyade. Wanda rahoto yazo masu, akwai da yawa ma wanda rahoton bai kai ga hukumar ba.

Haka nan kuma a wajen wa’azin an yi kira ga Gwamnati da ta duba yiwuwar maida makarantun kwana da aka kashe. Sannan kuma a duba yiwuwar  bada hutu a lokacin azumi don samun damar yin ibada yadda ya kamata.

Malaman da su ka gabatar da Wa’azin

1.     Malam Zakariya Aliyu Sandamu

2.     Mal Bunyaminu Muhd Balarabe

3.     Mal Safiyyu Alqasim

4.     Mal Abdur-rahim Sabi’u R/dadi

5.     Mal Abubakar Mai Kano

6.     Mal Haruna Sani Muhd

7.     Mal Aminu Usman

8.     Mal Munir Isah Kerau

9.     Mal Abdullahi Ayuba

10.                        Mal Shamsuden Abdul-Karim

11.                        Mal Muhd  Usamatu  

Hassan Kabir Yaradua

Ya ruwaito.

16/04/2017